Category: सोलोंथाय

बर’आव फ’राय If your plan is for one year – plant rice, If your plan is for ten years – plant trees, If your plan…

Bodo गोरोबथाफोरनि (Bodo Accords) बयनिख्रुयबो मखजाथावसिन मोनफुंथायफोरनि मादाव मोनसेया जाबाय बर’फोरा गावनि सोलोंथाय फसंथानफोरखौ गावनो सामलायनो हानायनि मोनथाय, बरफोरनि नांगौ बायदि सोलोंथायनि महरखौ गुरस्लायहोनो हानायनि मोनथाय। बडलेन्द मुलुग सोलोंसालिखौ गायसन्नाया जि बोसोरनिबो बारा जाबाय आरो BTR गोरोबथानि बायदियै बर बिजोंनि थाखाय आलादा Directorate दानानै होनाय जाबाय। गुबुन रावआव, बरफोरा गावनि उन जोलैखौ गुबुन जौगा हादर एबा हारिनि उन जोलैफोरजों फेर फाथिनो माबोरै एबा माबादि सोलोंथाय होनांगौ बेखौ थिरांथा खालामनो हानायनि थोजासे उदांस्रि मोनबाय। बियो मोनसे मखथाव खुंथायारि मोनफुंथाय आरो साफ्रोमबो बरफोरा बेखौ लानानै गोग्गानो हायो। नाथाय बे गोगगानाय एबा रंजानायखौ बरफोरनि गुरस्लायनायनि बिजों हिसाबै महर होनो थाखाय बरनि सोलोंथाय होगिरि, बिथांखि बानायग्रा (policy makers), समाज सिबिग्रा आफात आरो सरकारा जथायै ओरैबायदि curriculum आरो फोरोंनायनि आदब (instructional system) जौगाहोनो आरो जौगाहोलांनो (evolve) नाजानांगोन जाहाते बरनि उन जोलैफोरा, गोरिब नखरनि गथफोरा हादर आरो बुहुमनि फोथाराव गोगोमैनो बादायलांनो हानायजों लोगोसे जायगानि जेंनाफोरनि फारसेबो सांग्रांथि आरो मोनदांथिबो थायो।